Ұлыстың ұлы күні – Наурыз мерекесі

Ұлыстың ұлы күні – Наурыз мерекесіне орай мектебімізде бастауыш сынып жетекшілерінің ұйымдастыруымен мерекелік іс-шара өткізілді. Бұл шара ұлттық құндылықтарды дәріптеуге, оқушылардың салт-дәстүрге деген құрметін арттыруға бағытталды.
Іс-шара барысында ерекше әсер қалдырған көріністердің бірі – ата-аналардың қатысуымен сахналанған қазақтың дәстүрлі «Бесікке салу» рәсімі болды. Бұл көрініс арқылы жас ұрпаққа халқымыздың тәрбиелік мәні зор әдет-ғұрыптары наснасихатталды. Осындай тағылымды шаралар ұлттық мәдениетімізді ұлықтап, ұрпақ сабақтастығын нығайта түсетіні сөзсіз.