«Ұлттық мәдениет» көрме

Көктемгі каникул кезінде көркем еңбек пәнінің мұғалімі А.Омароаа 1–8 сынып оқушыларымен бірлесе отырып, «Шабыт» жобасы аясында «Ұлттық мәдениет» тақырыбында көрме ұйымдастырды.Көрменің басты мақсаты – оқушылардың ұлттық құндылықтарға деген қызығушылығын арттыру, халқымыздың бай мәдени мұрасын насихаттау және шығармашылық қабілеттерін дамыту болды. Оқушылар өз қолдарымен жасаған түрлі бұйымдарын, соның ішінде ұлттық ою-өрнектермен безендірілген қолөнер жұмыстарын, суреттер мен сәндік композицияларын ұсынды. Осындай іс-шаралар жас ұрпақты ұлттық рухта тәрбиелеуге, олардың шығармашылық әлеуетін дамытуға үлкен үлес қосады.